Шайлоо процессинин жүрүшүндө олуттуу мыйзам бузуулар катталган жок. Бул тууралуу Антикоррупциялык ишкердик кеңешинин башкы катчысы Нурипа Муканова брифинг учурунда билдирди.
“Бүгүнкү күндө кырдаал тынч, эл дагы жакшы ой менен добуш берүүгө барууда. Эл тарабынан өз добуштарын сатпагандары айтылууда, анткени алар өлкө үчүн жоопкерчилигин сезүүдө”, — деди Муканова.
Ошондой эле келип түшкөн арыздар жана даттануулар боюнча активдүү иш жүргүзүлүп, учурда адамдарды ташуу боюнча арыз текшерилип жатат деп кошумчалады.
