Бишкек менен Ошто мыйзамдарды одоно бузган 78 жеке клиника убактылуу жабылып, 4,5 млн сомдон ашык айып пул салынды. Бул тууралуу Саламаттык сактоо министрлиги билдирди.
Министрлик эки шаардагы 117 жеке медициналык борборду текшерип чыккан. Алардын 37си лицензиясы жок иштеп жүргөн болсо, 80 клиника лицензиянын талаптарын бузганы аныкталган.
Эң көп мыйзам бузуулар лицензиясы жок, анын талаптарын бузган, дарыларды туура эмес сактаган, санитардык эрежелерди сактабаган, негизсиз медициналык процедураларды жасаган одоно каталар болгон.
