Нарын облусунда катталган жол кырсыгынан улам эки аял жабыркады. Бул тууралуу ӨКМнин басма сөз кызматы билдирди.
Маалыматка ылайык, кечээ, 4-февралда саат 16:25 чамасында Бишкек-Нарын-Торугарт унаа жолунун 368-чакырымында Lexus-RX300 унаасынын айдоочусу рулду башкара албай жолдон чыгып кеткен.
«Жол кырсыгынын кесепетинен 2 аял жабыркаган (1986-жылы жана 1964-жылы туулган). Тез жардам кызматынын кызматкерлери жаракат алгандарды ооруканага жеткиришкен. Куткаруучулар унааны жолго чыгарууга жардам беришкен», — деп берилет маалыматта.
