2026-жылдын 15-майында Нарын шаарындагы К. Мамбеталиева атындагы музейде Салттуу кол өнөрчүлүк борбору жана сүрөтчү Залкарбек Эсенкановдун “Ата мээнети – эне мээрими” аттуу жеке көргөзмөсү ачылды. Бул тууралуу маданият министрлиги билдирди.
Иш-чара Эл аралык музейлер күнүнүн алкагында уюштурулуп, ага мамлекеттик жана эл аралык уюмдардын өкүлдөрү, маданият кызматкерлери жана кол өнөрчүлөр катышты.
Жаңы борбор улуттук кол өнөрчүлүктү сактоо жана өнүктүрүүгө багытталып, шырдак, ала кийиз, сайма, зергерчилик жана өрмөк согуу сыяктуу өнөр түрлөрүн жайылтат.
Программанын алкагында мастер-класстар, этно-көрсөтүүлөр жана “Түнкү музей” акциясы өткөрүлдү.
