КР УКМК тарабынан 13-14-август күндөрү уюшкан кылмыштуулукка каршы иш-аракеттердин алкагында Нарын облусунун аймагындагы уюшкан кылмыштуу топтордун мүчөлөрүнө жана Нарын облусунун ИИБнын ыкчам каттоосунда турган адамдарга карата «Бандит» аталышындагы атайын иш-чара өткөрүлдү.
Ыкчам аракеттердин натыйжасында, каттоодо турган Нарын облусунун 33 тургунунун ичинен 17 адам менен алдын алуу боюнча иш-чаралары өткөрүлдү.
Ошол эле учурда, мурда бир нече жолу оор кылмыш жасагандыгы үчүн соттолгон Нарын районунун 2 тургуну жана жоюлган К.Көлбаевдин уюшкан кылмыштуу тобунун мүчөлөрү криминалдык идеяларынан баш тартышты.
Аталган категориядагы калган 16 адам ичинен – 5 адам убактылуу кармоочу жайда, 11 адам катталган жеринде жашабагандыктан, тиешелүү иш-чаралар, анын ичинде ыкчам-издөө иш-чаралары уланууда.
