Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Нарын региондук башкармалыгы жүргүзгөн текшерүүлөрдүн жүрүшүндө бир катар объекттерде мыйзам бузуулар аныкталды.
Маалыматка ылайык, айрым объекттерде уруксат берүүчү документтерсиз курулуш жүргүзүлгөнү жана имараттардын функционалдык багыты өз алдынча өзгөртүлгөнү белгилүү болгон.
Мыйзам бузуулар «BORODA» чач тарачы, «Либерти-Бар», «Кун Лун» кафеси, «Ажва» чайканасы, «Н2О» унаа жуучу жайы, ошондой эле башка бир катар объекттерде аныкталды.
Аталган объекттердин ээлерине жана пайдалануучуларына мыйзам бузууларды жоюу боюнча милдеттүү көрсөтмөлөр берилип, курулуш мыйзамдарын так сактоо талап кылынды.
