Нарында жаңы атайын техникаларды сатып алууда мамлекетке келтирилген зыян аныкталды. Бул тууралуу УКМКнын басма сз кызматы билдирет.
Маалыматка ылайык, 2025-жылы апрелде Ат-Башы айыл аймагында жаңы таштанды ташуучу унааны жана жаңы кран-манипуляторду сатып алуу боюнча тендер жарыялаган. Натыйжада, «В.» ЖЧКсы жеңүүчү деп табылып, жалпысынан 10 863 000 сомго келишим түзүлгөн. Көрсөтүлгөн атайын жабдуулар «Ат-Башы Тазалык» муниципалдык ишканасынын балансына өткөрүлүп берилген.
Эксперттик баалоо боюнча, тендерден кийин жеткирилген таштанды ташуучу унаанын шасси номери өзгөртүлгөн, унаа 2019-жылдан берки тетиктер жана компоненттер менен жабдылган жана салону кайра сырдалган.
Көрүлгөн чаралардын натыйжасында аныкталган зыяндын орду толтурулуп, тендердин квалификациялык талаптарына жооп берген 5 миллион 363 миң сомдук 2025-жылы чыгарылган жаңы “DONGFENG” таштанды ташуучу унаасы алынып келинди.
