Нарындагы менчиктешип кеткен “Галерея” имараты мамлекетке кайтарылды. Бул тууралуу УКМКнын басма сөз кызматы билдирди.
Буга чейин, 2000-жылы Нарын шаардык китепканасынын 1350 м2 жер тилкеси бар имараты С.А.М. аттуу жарандын жеке менчигине мыйзамсыз өткөрүлүп берилгени, кийин ал жерге көркөм сүрөт галереясынын имараты курулганын УКМК аныктаган болчу.
Мындан улам, тиешелүү иш-чаралардан кийин, С.А.М. аттуу жаран аталган объектини өз ыктыяры менен «Какен Мамбеталиев» атындагы Нарын облустук тарыхый-этнографиялык музейинин балансына өткөрүп берди.
