Самат Насирдинов Улуттук статкомдун төрагасынын биринчи орун басары болуп дайындалды. Бул тууралуу Статкомдун расмий сайтында жарыяланды.
Маалыматка ылайык, тескемеге Садыр Жапаров кол койгон.
Президенттин башка тескемесине ылайык, Николай Чуйков Улуттук статистика комитетинин төрагасынын биринчи орун басары кызматынан бошотулду.
Эске сала кетсек, Самат Насирдинов ушул жылдын февралынан 9-декабрга чейин Улуттук статистика комитетин жетектеген.