Ишкердикти өнүктүрүү фонду жарандардын насыяларын жаап берет. Бул тууралуу аталган фонддон билдиришти.
Маалыматка ылайык, фонд Ишкерлер күнүнө карата акция жарыялады. Анда насыялардын пайызы 17%га чейин түшүрүлдү, бул коммерциялык банктардыкынан да кыйла төмөн.
Белгиленгендей, фонд кредиттерди кайра каржылоо мүмкүнчүлүгүн сунуштайт. Мында башка банктардан жогорку пайыздык чен менен алынган насыялар жабылып, ошону менен карыз жүгү бир кыйла азайтылат.
Насыялар жеке адамдарга да, ишкерлерге да жеткиликтүү. Бул акция ар бир адамдын карыз жүгүн азайтып, бизнести өнүктүрүүсүнө же үй-бүлөлүк муктаждыктарына каражаттарын бошотушу үчүн ишкерлерди жана жарандарды колдоого багытталган.
Жеңилдетилген насыялар адамдарга өз пландарын ишке ашыруусуна жана экономиканын өнүгүшүнө жардам берери айтылды.
Насыя алууну каалагандар 0559 95 67 99 номерине кайрылса болот.
