Ноокатта дүрмөттөлгөн 280 даана ок табылганын Ош ОИИБден билдиришти.
Маалыматка ылайык, жарандардын курал-жарактарын текшерүү учурунда үйлөрүнөн мыйзамсыз сакталган жана сактоо эрежелерин бузгандыгы үчүн 11 курал-жарактар алынды.
Андан сырткары 21 жаранга Укук бузуулар жөнүндөгү кодексинин 133-134-беренелери боюнча протоколдор түзүлүп, аларга карата салынган айып пулдун суммасы 63000 (алтымыш үч миң ) сомду түздү.
«Ошондой эле, иш-чаранын жүрүшүндө 7 жаран ок атуучу куралдарын өз ыктыяры менен Ноокат райондук ички иштер бөлүмүнө тапшырды. Мындан сырткары 1 ок атуучу курал сактоо эрежелери бузулгандыгы боюнча алынды, 1 жарандан каза болгондугуна байланыштуу куралы алынган, 3 жаран эч кандай документи жок болгондугуна байланыштуу өз ыктыяры менен тапшырган, 2 газ-травматикалык ок атуучу курал алынган. Ошондой эле Ноокат шаарынын Т.К. аттуу тургунунан 280 даана ок жана 200дөн ашуун гильзалар алынды»,- деп берилет маалыматта.
