Түркиянын «Даңазалуу доор» сериалынын баш каарманынын бири, түрк-немис актрисасы Мерьем Узерли Кыргызстанга келген учурунда аларды сыйлоо иретинде ырдаган Нурайым Азыкбаеванын англис тилинде ырдаган ырын өзүнүн Instagram баракчасына жарыялады. Анда ал ырчынын аткаруусуна суктанып, көзүнө жаш алган.
“Урматтуу Нурайым Азыкбаева, сиздин энергияңыз, аткарууңуз, жагымдуу ырыңыз менен үнүңүз, бизге ачкан кучагыңыз, биз үчүн ырдаганыңыз мага терең таасир этти. Мени ушундай сезимге тушуктурганыңыз үчүн чоң рахмат. Сиз мыкты ырчысыз. Жүрөгүм Кыргызстан”, — деп жазган.
Эске сала кетсек, түрк-немис актрисасы Мерьем Узерли Кыргызстанга 6-сентябрда келген. Бир эле күнгө келгендигине байланыштуу күйөрмандарына жолуга албай калды. Бирок кыскача маалымат жыйынга катышып кетти. Иш чаранын соңунда уюштуруучулар “Супара” эс алуучу этно комплексине алып барып сыйлашкан. Анда Нурайым Азыкбаева, Гүлзада Рыскулова ж.б. ырчылар ырдашкан.
Посмотреть эту публикацию в Instagram
