Туризм академиясынын туризм кафедрасынын жетекчиси Нургүл Джапарова: Туризм азыр Кыргызстанда бардык тарабынан өнүгүп келаткан тармактардын бири, анын аркасы менен көп-көп ишканалар ачылып, инвестиция келип, жаңы жумуш орундары түзүлүп жаткан кез. Туризм тармагында адис болууга да суроо-талап жогору жана туризм аркылуу бүткүл өлкө дагы өз өнүгүүсүндө жаңы деңгээлге чыгып баратат десе болот.
Биздин Академияда окуган студенттер жөн гана билим албастан, окуу учурунда ар башка туристтик компанияларда же Кыргызстан менен катар чет мамлекеттердеги отель-курорт-лайнерлерде иштеп, тажрыйба топтогондуктан, алардын айрымдары өз алдынча иштеп кетүүгө даяр болуп калат жана өз бизнесин ачып алгандар да аз эмес. Билими жок кезде конок үйлөрүн иштетип келгендер дагы ал бизнесин алдыга өнүктүрүү үчүн билим керек экенин түшүнүп, биздин Академияга келип окугандар да көп…
