Ок атуучу куралды мыйзамсыз сактоого жана алып жүрүүгө шектелген жаран кармалды. Бул тууралуу ИИМдин басма сөз кызматы билдирди.
Маалым болгондой, Чүй облусунун Сокулук районунда 1996-жылы туулган С.Р аттуу жаран белгисиз үлгүдөгү куралды алып жүргөн.
Аталган факты ички иштер органдарында катталып, Кылмыш-жаза кодексинин 267-беренеси (куралдарды, ок-дарыларды мыйзамсыз жүгүртүү) менен кылмыш иши козголгон.
Ыкчам-тергөө иштердин жүрүшүндө шектүү кармалып, андан белгисиз үлгүдөгү тапанча табылган.
