Туруктуу эл аралык баңги топторунун биринин кылмыштуу ишмердүүлүгү токтотулуп, топтун мүчөлөрү кармалды. Бул тууралуу УКМКдан билдиришти.
27-мартта И.Ахунбаев жана 7-апрель көчөлөрүнүн кесилишинде жайгашкан ботаникалык бакчага баңгизаттарын “жашырууга” аракет кылып жаткан жеринен Бишкек шаарынын алдыңкы мектептеринин биринин 11-9-классынын окуучулары, 2005-жылкы жана 2007-жылкы балдар кармалды. Баштыктарынан жалпы салмагы 921 граммды түзгөн синтетикалык “Альфа PVP” баңгизаты жана 69 таңгак табылып алынган. Бул 1 гр. заттын базар баасы 10 000 сомду түзөт, бир таңгагы интернет мессенджерлер аркылуу 5 миң сомдон сатышууда.
Табылып алынган баңгизаттан 2302ге жакын доза чыгат, башкача айтканда, “дозалап” сатылган баасы 11 млн 857 миң 500 сомго жетет.
Аталган топтун башка мүчөлөрүн аныктоо боюнча жүргүзүлүп жаткан иштердин жүрүшүндө, 4-апрелде кезектеги ири партияны алып жаткан жеринен Бишкек шаарынын 2004-жылкы тургуну кармалды.
Кармалгандар УКМК тергөө абагына киргизилди.
