«Байтик» айылындагы «Кут Билим» тарбиялоочу мектепте окуучулардын массалык уулануусу катталаган. Буга ылайык мектеп жетекчилигине 23 миң сом, ал эми башкы ашпозчуга 7 миң 500 сом айып пул салынды. Бул тууралуу маалыматты Кыргызстандын Саламаттыкты сактоо министрлиги билдирген.
Маалыматка ылайык, мектепте бир катар санитардык эрежелер сакталбагандыгы белгилүү болгон.
«Бул окуядан соң Аламүдүн райондук борбордун кызматкерлери мектепте текшерүү жүргүзүлгөн. Натыйжада санитардык эрежелердин бузулушу аныкталып, мектеп жетекчилигине 23 миң сом айып пул салынды. Ал эми кампа кароолчусуна, азык-түлүк ташыгычка, медициналык кызматкерге жана башкы ашпозчуга 7 миң 500 сомдон айып салынган», — деп берилет маалыматта.
