Орозо айынын алгачкы күнүндө дин башкармалыгы, ооз ачууга жетишпей бара жаткан жүргүнчүлөргө, айдоочуларга атайын ооз ачууга ылайыктуу, чакан баштыкчаларды таратты.Бул тууралуу мекеменин басма сөз кызматы билдирди. Маалыматка ылайык, «Биз менен ооз ачыңыз» — акциясы Иса Ахунбаева жана Тыналиева көчөлөрүндө уюштуруулду.
Муфтияттын маалымат бөлүм башчысы Максат Атабаев жана ажы-умра бөлүм башчысы Жолдошбек Абдылдаев саамалыкка катышкан. 150 баштык таратылып шаар тургундарына жакшы маанай тартууланды.
«Биз жолуктурган айдоочулардын жана жүргүнчүлөрдүн көбү орозо кармашыптыр. Чындыгында абдан ыраазы болушуп, ооз ачаарга жетишпей бара жатканда күтүлбөгөн белек болду деп сүйүнүп жатышты. Ыйык айдагы «Биз менен ооз ачыңыз» акциясы күн сайын борбор калаанын ири көчөлөрүндө уюштурулуп турат», — деди Атабаев.