Президенттин маалымат кызматынын жетекчиси Дайырбек Орунбеков социалдык тармактагы баракчасына Болот Темировдун Батыштагы өнөктөштөрү бөлгөн гранттардын эсебинен балдар-кыздарды каржылап, аларга акча төлөп, жалган иликтөөлөрдү жасатып, атайын заказ менен иштетип жүргөнү аныкталганын жазды.
Анын айтымында, алардын ар бирине ай сайын 500–800 доллардан акы төлөп турган. Белгиленгендей, алар жабылып калган Клооп сайтынын кызматкерлери болуп эсептелет.
Алар:
- А.Эркебаева (1999-жылы туулган);
- З.Сыдыгалиева (2000-жылы туулган);
- Ж.Дуулатов (2002-жылы туулган);
- А.Александров (1997-жылы туулган);
- З.Болот кызы (1999-жылы туулган).
«Учурда булар өздөрүнүн мыйзамсыз иш-аракеттерин жана Темировдун мыйзамсыз көрсөтмөлөрүн аткарып жүргөнүн моюндап, Темиров менен кызматташуудан баш тартты. Алар жалган билдирүүлөрдү жасап, мамлекетке каршы багытталган атайын заказдарды аткарып келишкенин айтып беришкен»,-деди ал.
Ал ошондой эле бул фактылар массалык маалымат каражаттарынын жана гранттык ишмердүүлүккө жамынып өлкөнүн ички иштерине кийлигишкенин тастыктаарын белгиледи.
