Орус ырчысы жана композитору Александр Градский 73 жашында көз жумду. Массалык маалымат каражаттары композитордун 28-ноябрда каза болгонун жазып чыгышты.
Алардын айтымында, Александр Градский 26-ноябрда Москвадагы ооруканага оор абалда жеткирилген.
Александр Градский — советтик ырчы, көптөгөн белгилүү ырлардын автору жана композитор. Ал 1997-жылы Орусиянын Эмгек сиңирген артисти наамын алган. Эки жылдан соң Россия Федерациясынын Эл артисти болгон. Акыркы жылдары «Голос» телеберүүсүнүн насаатчысы болуп эмгектенип келген.
