Орусиянын Омск шаарында үйдөн өрт чыгып, эки бала каза болду. Бул тууралуу РИА Новости жазып чыкты.
Тергөөнүн маалыматы боюнча, апасы түнү менен спирт ичимдиктерин ичип, тамеки чегип жатып уктап калган. Үйдө 2 жаштагы кызы жана 3 жаштагы баласы болгон.
Үй өрттөнүп жаткан учурда апасы ойгонуп кетип жардам чакыруу үчүн сыртка чыккан. Бирок өрт күчөп кеткендиктен кайра үйгө кирип, балдарын сактап кала алган эмес.
«Шектүү күнөөсүн мойнуна алган. Ал Россия Федерациясынын Кылмыш-жаза кодексинин 109-беренесинин 3-бөлүгүнө ылайык (Байкабастыктан эки адамдын өлүмүнө алып келүү) кылмыш иши козголуп, ал төрт жылга чейин эркинен ажыратылышы мүмкүн»,-деп берилет маалыматта.
