Ысык-Ата районунда адам өлтүрүүгө аракет кылган жаран кармалды. Бул тууралуу Чүй ОИИБдин басма сөз кызматы билдирди.
Маалыматка ылайык, 17-апрелде Ысык-Ата РИИБнын нөөмөт бөлүмүнө, аймактык ооруканадан, бычакталып жаракат алган жаран түшкөндүгү тууралуу билдирүү түшкөн. Милиция кызматкерлери жаракат алган адамдын өздүгүн аныктап, ал 1985-жылы туулган Б.А., аттуу жаран экен белгилүү болгон.
Бул факты Кылмыштардын бирдиктүү реестрине Кылмыш-жаза кодексинин 37-122 беренеси (киши өлтүрүгө аракет кылуу) боюнча катталган.
Жүргүзүлгөн ыкчам-издөө иштеринин жүрүшүндө кылмышка шектүү катары 1994-жылы туулган Б.М. колго түшүрүлгөн.
Бул окуя жарандардын ортосундагы чыр-чатактан улам келип чыккандыгы такталган.
Шектүү Ысык-Ата районунун убактылуу кармоочу жайына киргизилип, андан соң Бишкек шаарындагы №1 СИЗОго камакка алуу түрүндөгү баш коргоо чарасы каралган.
Учурда аталган окуя боюнча экспертизалар дайындалып, сотко чейинки териштирүүлөр жүргүзүлүүдө.
