Чүй облусунун Жайыл районунда Бишкек – Ош унаа жолунун болжол менен 100-101-чакырымында күйүүчү май ташыган оор жүк ташуучу унаанын катышуусунда жол кырсыгы катталып, өрт чыкты. Бул тууралуу ӨКМден билдиришти.
Кырсык катталган аймакка өрттү өчүрүүгө саат 14:29да кызматкерлер келип, саат 14:38де авариялык куткаруу унаасы менен 3 куткаруучу жана ИИМден 1 экипаж жөнөтүлгөн. Өрт саат 15:40та толук өчүрүлгөн.
Тилсиз жоонун кесепетинен 4 адам жабыркап, “Тез жардам” кызматы аркылуу Жайыл райондук ооруканага жеткирилген. Ошондой эле, Мерседес-Бенц жана Хонда-СРВ жеңил унаалары күйгөн.
