2-февраль күнү Ош облусундагы Кара-Суу районунун Кашкар-Кыштак айыл өкмөтүндөгү Дадан Султанов атындагы жатак интернатында 3-класстын 6 окуучусу ууланып, Ош облустар аралык балдар клиникалык ооруканасына жаткырылды. Бул тууралуу аталган ооруканадан билдиришти.
Билдирүүгө ылайык, учурда алардын абалы жакшы жана алар неврология бөлүмүндө дарыланып жатышат.
«Балдардын ашказаны жуулуп, керектүү жардам өз учурунда берилди. Окуучулардын эмнеден улам ууланганы белгисиз, бирок алардын анализдери чыккандан кийин дарылоону дагы да күчөтөбүз», — деди оорукананын башчысынын орун басары Жыргалбек Кадыров.
