Oш шаарындагы борбордук аянтта бүгүн мотосезондун салтанаттуу ачылышы болуп, “Көчмөн жолу” аттуу эл аралык мотожүрүш өткөрүлөт.
Иш-чара VI Бүткүл дүйнөлүк көчмөндөр оюндарына арналып уюштурулууда. Жүрүшкө Кыргызстан, Өзбекстан, Казакстан, Тажикстан жана Россиядан келген 150гө жакын байкер катышат. Алар өз өлкөлөрүнүн мотоклубдарын көрсөтүп, коопсуз жана маданияттуу айдоо маданиятын жайылтышат.
Белгиленгендей, иш-чара шаардык бийликтин жана мотоклубдардын колдоосу менен өткөрүлүп, мото-туризмди өнүктүрүү жана жол коопсуздугун жогорулатуу максатын көздөйт. Башталышы — 15:30.
