Кыргызстанда эртеңден тарта лицензиясыз иштеген такси айдоочуларына карата административдик чаралар күчүнө кирет.
Жаңы талапка ылайык, лицензия албай жүргүнчү ташыган жарандарга 7,5 миң сом өлчөмүндө айып пул каралган.
Ошондой эле оң рулдуу такси унааларына лицензия берилбейт. Ошондуктан мындай унаалардын ээлерине такси кызматын көрсөтүүгө уруксат жок.
Буга чейин Жол кыймылынын коопсуздугун камсыздоо башкы башкармалыгынын маалыматына ылайык, өлкөдө болжол менен 35 миң расмий такси айдоочусу болсо, маалыматтык системалардагы эсеп боюнча такси кызматын көрсөткөндөрдүн саны 60-70 миңге жетет.
19-июнга карата Кыргызстанда 17 миңден ашык жаран такси кызматын көрсөтүүгө лицензия алып үлгүргөн.
