Бүгүн, 1-май күнү Ош шаарындагы Сүйүнбаев көчөсүндө жайгашкан жаңы көпүрө пайдаланууга берилди. Курулуш иштери мындан туура 2 ай мурун башталып, кыска мөөнөттө ийгиликтүү аяктады. Көпүрө Кайырма каналы аркылуу өтөт.
Ачылыш аземине Ош шаарынын мэри Жанарбек Акаев, Ош шаардык кеңешинин төрагасы Болот Баетов жана шаар тургундары катышты. Мэр өз сөзүндө ушул эле канал аркылуу дагы үч көпүрө курулуп жатканын белгилеп, жакынкы майрам күндөрү дагы бир көчө пайдаланууга берилерин маалымдады.
Долбоордун алкагында узундугу 12 метр, туурасы 22 метр болгон заманбап көпүрө курулуп, бардык техникалык талаптарга жооп берген инфраструктуралык объект ишке берилди.
Посмотреть эту публикацию в Instagram
