Ош шаарында өзүнүн мурдагы аялын бычактап өлтүрүп качып кеткен жаран кармалды. Бул тууралуу Ош ШИИБден билдиришти.
Маалыматка караганда, бул окуя ушул жылдын 3-октябрында катталган. Шектүү 1990-жылы туулган Ж.А. өзүнүн мурдагы аялын өлтүрүү максатында ал жашаган үйгө барып, аялды бир нече ирет денесине бычак сайып, изин жашырып кеткен. Жабырлануучу 1998-жылы туулган аял окуя болгон жерде көз жумган.
«Адам өлтүрүүгө шектүү 1990-жылы туулган Ж.И. коӊшу Өзбекстандын Анжиян облусунун аймагынан колго түшүрүлүп, Ош шаарына алынып келинди. Учурда анын үстүнөн адам өлтүрүү беренеси (122-берене) менен кылмыш иши тергелүүдө»,- деп берилет билдирүүдө.
