23-апрелде Ош шаарында футбол машыктыруучунун сөөгү өзүнүн иш бөлмөсүнөн табылгандыгы тууралуу милицияга маалымат түшкөн.
Маалыматка ылайык, анын жүрөгү кармап калып каза болгон. Учурда соттук-медициналык экспертиза дайындалып, териштирүү иштери жүрүп жатат.
Маркумдун Асылбек Момунов атындагы футбол академиясынын машыктыруучусу Бактыбек уулу Темирлан экени маалым болду.
«28 жашында досубуз жана кесиптешибиз, Бактыбек уулу Темирлан кокусунан жүрөгү токтоп каза тапты. Ал токтоо, боорукер, коллективде жана окугандар арасында урмат-сыйга ээ, кадыр-барктуу болчу»- деп кесиптештери эскерип, жакындарына терең кайгыруу менен көңүл айтышты.
