Оштогу Сары-Мазар көрүстөнүндөгү Алымбек датка менен Курманжан датканын бейитине жаңы күмбөз курула баштады. Бул тууралуу Ош шаарынын мэриясынан билдиришти.
3-сентябрда калаа мэри Алымбек датка менен Курманжан датканын бейитине барып, кан чыгарып, куран окулду. Даткалардын урпактары жана дин өкүлдөрү менен курула турган күмбөздүн долбоорун талкуулашып, бүгүнтөн тарта тийиштүү иштер башталган.
«Бул иштерге УКМК төрагасы Камчыбек Ташиев менен Ош шаарынын мэри Жеңишбек Токторбаев жеке эсебинен акча каражат бөлүп, күмбөздөрдү жаңыдан курдуруп бермей болушту»,-деп айтылат маалыматта.
