Ош шаарынан, белгил кримтөбөл Кадыр Досоновдун (Дженго) айдоочу-жансакчысы кармалды. Бул тууралуу ИИМдин маалымат кызматы бүгүн, 26-июлда кабарлады.
26 жаштагы жансакчы башка шериктери менен бирге 10-июль күнү Куршабдагы кафелердин биринин жанынан жергиликтүү тургунга бычак такап коркутуп, барсеткасын, ичиндеги 1 600 доллар жана 48 миң сому менен алып кеткен.
Аталган факт Кылмыштардын жана жоруктардын бирдиктүү реестрине катталып, 266 берене ( бейбаштык) боюнча иш козголгон.
ИИМдин аймактар аралык криминал менен күрөшүү кызматы 23-июль күнү, Ош шаарынан 1995-жылы туулган М. А.ны кармаган. Маалыматка ылайык кармалган жансакчы, айдоочу М.А. да уюшкан кылмыштуу топтун мүчөсү катары ИИМдин тизмесинде бар болгон.
Кармалган М.А. учурда убактылуу кармоочу жайга киргизилген.