Ош облусунда салык төлөөдөн баш тартып, качуу жолунун схемаларын уюштурган жана көрсөтүлгөн акы төлөнүүчү кызмат көрсөтүүлөрдүн көлөмүн кем баалап ишине кыянаттык менен мамиле кылган, экономикалык ишмердүүлүк жүргүзгөн субъекттер аныкталды.
УКМКдан билдиришкендей, Ош шаарында жана Кара-Суу районунда өзгөчө ири өлчөмдөгү салыктарды төлөөдөн качуу фактысына кылмыш иши козголду. Тинтүү иштери жүргүзүлүп, экономикалык ишмердүүлүктүн реалдуу эсебин тастыктаган документтер алынып, күнүмдүк кирешесин атайылап жашырган 30дан ашык ишмердүүлүктүн субъектилерине салыктык текшерүүлөр дайындалды.
Финансы министрлигине караштуу Мамлекеттик салык кызматы тарабынан кошумча салыктык эсептөөлөр жүргүзүлүп, бүгүнкү күндө мамлекеттик бюджетке 26 миллион сомдон ашык чыгымдын орду толтурулду.
Салыктык чегерүүлөрдү чогултуу жана салык салынуучу базаны көбөйтүү боюнча иштер улантылууда.
