Ош шаарында мектептен кечкурун чыккан окуучуларды коомдук транспортто бекер ташуу сунушталууда. Бул тууралуу Ош шаардык мэриясынан билдиришти.
Анын айтымында, кечээ шаардын вице-мэри Сонунбек Жунусбаев жүргүнчүлөрдү ташуучу компаниялардын жетекчилери менен жолугушкан. Ал жүргүнчүлөрдү ташуу кызматын жеткиликтүү көрсөтүү алардын түздөн-түз милдети экенин баса белгиледи. Жыйындын жыйынтыгында мекеме-ишканалардын жетекчилерине эскертүүлөр берилди.
“Кечкисин мектеп окуучуларын коомдук транспортто бекер ташууну уюштуруу маселесин да карадык. Бул үчүн зарыл болгон акчаны мэрия «Бактылуу коом» кайрымдуулук фонду менен биргеликте бөлөт. Билим берүү башкармалыгына балдар кечке чейин окуган мектептердин тизмесин берүү тапшырылды”, — деп берилет маалыматта.
