Ошто музыкалык окуу жайдын студенти бычакталды. Бул тууралуу Ош облусунун Ички иштер департаментинен билдиришти.
Жаракат алган 18 жаштагы бала тууралуу маалымат шаардык ооруканадан келгени такталды.
Бул факт Кылмыштардын жана жоруктардын бирдиктүү реестрине катталып, “Бейбаштык” беренеси боюнча сотко чейинки өндүрүш иши башталган.
Алдын ала маалыматтарга караганда, аталган окуя 28-январда болгон. Үч жаш балдар спирт ичимдигин ичишкен, алардын арасында келишпестиктен чыр-чатак чыгып, мушташ жаралган. Натыйжада досторунун бири жабырлануучуга бычак сайган.
Шектүү кармалып, убактылуу кармоочу жайга киргизилген.
