Президент Жапаров Ош шаарында жана Ош облусунда өлкөнүн Көз карандысыздык күнүнө арналган майрамдык иш-чараларга катышат. Бул тууралуу Эрбол Султанбаев билдирди.
Мамлекет башчысынын катышуусунда мамлекеттик тууну салтанаттуу көтөрүү аземи, Кыргыз Республикасынын Баатыры Насирдин Исановдун 80 жылдыгына арналган иш-чаралар өтөт.
Мындан тышкары «Төлөйкөн» ипподромунда ат оюндары, ошондой эле башка маданий иш-чаралар өтөт.
Кечинде Президент Жапаров өлкөнүн Көз карандысыздык күнүнө жана Насирдин Исановдун 80 жылдыгына арналган гала-концертке барат.
Иш-чаралар УТРК, республикалык жана облустук телеканалдардын эфиринде, ошондой эле социалдык тармактардын баракчаларында түз чагылдырылат.
Майрамдык иш-чараларды түз чагылдыруу 09.30да башталат.
