Ош облусундагы «Достук» чек ара ветеринардык көзөмөл пунктунда Өзбекстандан ташылып келе жаткан 650 килограмм колбаса продукциясын Кыргызстандын аймагына киргизүүгө уруксат берилген жок. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Маалым болгондой, жүккө жүргүзүлгөн ветеринардык текшерүүнүн жүрүшүндө Евразия экономикалык бирлигинин ветеринардык-санитардык талаптарынын бузулгандыгы аныкталган.
Тактап айтканда, колбаса продукциясынын таңгагында талап кылынган маркалоо жок болуп, жүк ветеринардык-санитардык талаптарга жооп бербегени белгиленген.
Ушуга байланыштуу жүктү Кыргызстандын аймагына алып кирүүгө уруксат берилген жок.
