Ошто 36 жаштагы жаранды шаар четине алып барып, ур-токмокко алышкан шектүүлөр кармалды. Бул тууралуу Ош ОИИБден билдиришти.
12-мартта саат 22:30 чамасында Ош шаарындагы Улук-Ата кафесинин алдынан Ош шаарынын 1989-жылы туулган тургунун белгисиз жарандар уруп, эркине каршы Матиз 2 үлгүсүндөгү унаага салышып, белгисиз жерге алып барышып, сабап салышкан. Өздөрүнүн кылмыштуу аракеттерин видеого тартып алышкан.
Бул факты боюнча 3-апрель күнү Ош ШИИБдин тергөө кызматынын тарабынан адам уурдоо беренеси менен кылмыш иши козголгон.
Шектүү катары 2 жаран кармалган. Ушул эле күнү Ош облусунун Араван районунундагы шектүүлөрдүн үйлөрүнө тинтүү жүргүзүлүп, 1999-жылы туулган жаранжын үйүнөн тиешелүү документи жок ок атуучу курал табылган.
