Бүгүн, Ош шаарындагы Курманжан датка жана Алымбек датка көчөлөрүн бириктирген П.Арзыкулов көчөсү капиталдык оңдоп-түзөөдөн өткөрүлүп, пайдаланууга берилди. Бул тууралуу мэриядан билдиришти.
Маалыматка ылайык, иш-чарага мэр Жеңишбек Токторбаев, шаардык кеңештин төрагасы Болот Баетов жана жергиликтүү жашоочулары катышышты.
“Арзыкулов көчөсүнүн жалпы жолдун узундугу 300 метр, туурасы 10 метр болуп жол 2 тилкелүү болуп оңдолду. Бир тарабына жөө жүргүнчүлөр үчүн тротуар , жашыл аймак каралып, ирригациялык лотоктор орнотулду. Бул иштер Ош шаарынын мэри Жеңишбек Токторбаевдин рейддик кыдыруу учурунда аталган көчөгө келип, жолду кеңейтүү жана асфальттоо тапшырмасынын негизинде аткарылды”, — деп жазылат маалыматта.
Көчөнү оңдоп-түзөө иштери толугу менен жергиликтүү бюджеттин эсебинен жасалды.
