Ош облустар аралык бириккен клиникалык ооруканасына Япония өкмөтүнүн колдоосу менен жалпы баасы 10 миллион сомдук заманбап медициналык жабдуулар тапшырылды.
Президенттин Ош облусундагы өкүлчүлүгүнүн маалыматына ылайык, жардам Япония өкмөтүнүн «Чөптүн тамыры жана адамзат коопсуздугу» гранттык программасынын алкагында ишке ашырылган «Ош облустар аралык бириккен клиникалык ооруканасында медициналык чөйрөнү жакшыртуу» долбоорунун алкагында берилди.
Ооруканага эки негизги медициналык жабдуу тапшырылды.
Алар: Трансуретралдык резекция жүргүзүүгө арналган эндоскопиялык стойка;
проктологиялык ооруларды дарылоодо колдонулуучу ультра үндүү диссектор.
Белгиленгендей, жаңы жабдуулар медициналык кызматтын сапатын жогорулатып, бейтаптарга заманбап дарылоо ыкмаларын көрсөтүүгө мүмкүнчүлүк түзөт.
