Нарында балдар от менен ойноп, 1000 түк чөп күйүп кетти. Бул тууралуу ӨКМнин басма сөз кызматы билдирди.
Маалыматка ылайык, кечээ, 1-ноябрь күнү Нарын районунун Куйбушев айылындагы Жантаев Тойгонбай көчөсүндө жайгашкан турак үйдө жыйналган 1000 түк чөп өрттөнүп жатат деген маалымат Ж.Ж. аттуу тургундан түшкөн.
«Жерине №16 ӨККБнөн 1 бөлүм жана 4 куткаруучу тартылган. Өрт саат 16:20да чектөөгө алынып, 19:00да толук өчүрүлгөн. Өрт өчүрүүчү-куткаруучулар 300 боо чөп, турак үй, мал-сарайды өрттөн сактап калышты. Өрттүн келип чыгуу себеби: балдардын от менен ойноосу», — деп берилет маалыматта.