Панфиловдо травматикалык тапанча менен эки адамга ок аткан шектүү кармалды. Бул тууралуу Чүй ОИИБнин басма сөз кызматы билдирди.
Маалыматка ылайык, 24-июлда ок атуучу куралдан 1991-жылы туулган И.А. менен 1997-жылы туулган Ш.Т. жаракат алышып, ооруканага жаткырылышкан. Териштирүүдө, Орто-Кайырма айылындагы көчөлөрдүн биринен жабырлануучулар менен шектүүнүн ортосунда пикир келишпестик орун алган.
“Чүй облусунун ИИББдүн жана Панфилов РИИБдүн криминалдык милиция кызматкерлери тарабынан жүргүзүлгөн ыкчам издөө иш-чараларынын натыйжасында жогорудагы окуяга катыштыгы бар деген шек менен 1980-жылы туулган К.Н. кармалып, тергөө кызматына өткөрүлүп берилип анын травматикалык тапанчасы алынды. Учурда окуянын себептерин аныктоо үчүн ар тараптуу териштирүү иштери жүргүзүлүүдө. Сотко чейинки өндүрүш иштери улантылууда”, — деп берилет маалыматта.