Белгилүү болгондой, Пермдеги окуу жайда ок чыгарган студент Тимур Бекмансуровдун бир эле күндүк дарылануусуна 2 миллион рубль жумшалды. Бул тууралуу орусиялык маалымат булактары жазып чыгышууда.
Маалыматка ылайык, ал күндөн-күнгө өзүнө келип жатат, бирок тамагында түтүкчө болгондуктан сүйлөшө албайт. Медиктердин божомолдоруна ылайык, тергөөчүлөр аны бир нече күндөн кийин гана суракка ала алышат.
Бекмансуров өзү доктурларга суу сурап жана башка жагына оодарылуу үчүн гана чанда кайрылат. Азыр анын абалы туруктуу, бирок алган жаратынан улам абалы начарап кетүүсү дагы мүмкүн.
Эске сала кетсек, 20-сентябрда 1-курстун студенти Тимур Бекмансуров Пермдеги окуу жайга ок чыгарып, натыйжада 10 адам жабыркап, 6 адам көз жумган.
