“Шайлоону таза өткөрүү үчүн 100 миң доллардан ашык кирешеси бар байларды талапкер болуп катталуусуна тыюуу салуу керек” – мындай пикирди саясат талдоочу Төлөгөн Келдибаев 7-каналга берген интервюсунда айткан.
“Израил мамлекетинде олигархтардын тактап айтканда 100 миңден ашык кирешеси бар жарандардын депутаттыкка талапкер болуп катталуусуна тыюуу салынган. Өздөрү гана эмес үй-бүлө мүчөлөрү дагы шайлоо катышпайт. Бул шайлоодогу добуш сатып алуунун алдын алуу үчүн кабыл алынган мыйзам. Биздин өлкө дагы айрым чет өлкөлөрдөгү ушул сыяктуу практикаларды пайдаланса болот. Мисалы айрым өлкөлөрдө уюшкан кылмыштуу топтордун мүчөлөрүнө талапкер болууга тыюуу салынган” -дейт.
Белгилей кетсек, Кыргызстанда бардык жарандардын шайлоого жана шайланууга укугу бар. Быйыл шайлоо мыйзамдары өзгөрүп, анда мамлекеттик жетекчилик кызматта отургандар талапкерликке койсо, кызматын убактылуу эмес биротоло арыз жазып тапшырып берүүсү керек деген норма кабыл алынган.