Президент Садыр Жапаров бүгүн журналисттердин суроосуна жооп берип жатып, айрым жарандарга жашыруун тыңшоолор орнотулуп жаткандыгы боюнча да жооп берди.
-Жашыруун тыңшоо демократияга доо кетирип, сөз эркиндигине карата кысым катары бааланбайбы?-деп сураган журналисттин суроосуна өлкө башчысы, журналисттерге карата эч кандай куугунтук жок деп жооп берди.
» Мен дайым айтам, журналисттерге эч кандай куугунтук жок. Мени «шыбап» жазган 4,5 сайттар бар, аларды да жайына койдук. Башкаларды да суракка чакырып кыйнабайбыз. Бирок, «канча куралың бар, каерге качан чогулалы»-деп жатса УКМК карап жата берсинби?«- дейт Президент.
