7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Январь 2023
Пн Вт Ср Чт Пт Сб Вс
 1
2345678
9101112131415
16171819202122
23242526272829
3031  
  • social_icon
  • social_icon
  • social_icon
  • social_icon
Бишкек, KG
-6°C

Президент кыргызстандыктарды Мамлекеттик гербдин кабыл алынган күнү менен куттуктады

185

Кыргызстандын президенти Садыр Жапаров жалпы кыргызстандыктарды Мамлекеттик гербдин кабыл алынган күнү менен куттуктады.

“Урматтуу кыргызстандыктар!

Бүгүн Кыргыз Республикасынын мамлекеттик гербинин кабыл алынгандыгына 29 жылдын жүзү болуп олтурат. Мамлекеттин символдорунун бири болгон гербибиздин кабыл алынган күнү менен жалпы мекендештеримди чын дилимден куттуктайм.

Герб – бүтүндөй бир өлкөнүн өзгөчө белгиси, өз алдынча мамлекет экендигин ырастаган негизги атрибуттарынын бири.

Эчен кылымдарды башынан кечирген улуу элибиздин өзүнө тиешелүү эн тамгалары, белгилери болгон. Аны менен кат-кабарларына мөөр басып, элдүүлүгүн билдирип турган. Ошону менен катар байыркы мезгилдерде эн тамга асаба, байрактарга да түшүрүлгөн.

Кыргызстан эгемендүүлүккө ээ болгондон кийин өз атрибуттарын – желегин, гимнин жаңылап, ал эми мамлекеттик гербин эки жылдан кийин кабыл алган. Ал Кыргыз мамлекетинин эн тамгасы болгон гербден мамлекетибиз даана таанылгандай кылып иштеп чыгуу зарылдыгынан улам созулган.

Чындыгында эле, ак түс менен кырбууланган көк алкактын ортосунда Ысык-Көлүбүз чалкып турса, ак калпагыбыздын түспөлүн берген ак чокулуу Ала-Тоодон күн нурлары чачырап тийип турат. Алдында Манас атабыздын Ак шумкары канатын жайып, эл-жерибизди коргоп тургандай элес калтырат. Бул белгилерди тегеректей, бир чети өлкөбүздүн булуң-бурчундагы молчулуктун символу катары пахта менен буудайдын сабы тартылганы өзүнчө бир керемет. Кыргызстандын негизги өзгөчөлүктөрү ыгы менен камтылган бул композицияны «Кыргыз Республикасы» деген жазуунун курчап турушу дагы ынтымакты, биримдикти чагылдырып турат.

Урматтуу мекендештер, кадырлуу калайык-калк!

Кызыл желегибиз алга сүрөгөн намысыбыз болуп, гимнибизде айкөл Манастын духу жаңырып турса, аскарлуу Ала-Тообузду, көк ирим көлүбүздү калкалап турган ак шумкарлуу гербибиз «кыргыз» деген мамлекетти дүйнөгө таанытып турган эн тамгабыз экенине ар убак сыймыктанышыбыз кажет. Арийне, сыймык менен кошо мамлекеттик белгилерибизди ар-намыс, ариетибиз менен катар коюп, бийик тута билели!

Мамлекеттик гербибиз алыс-жакында жүргөн ар бир кыргызстандык атуулдун бой тумары болсун!”,-деди президент.

Добавить комментарий

Ваш адрес email не будет опубликован. Обязательные поля помечены *

186