Президент Садыр Жапаров “Тамчы” каржы-инвестициялык аймагын ачты.
Иш-чарага президент Садыр Жапаров катышып, аймактын алгачкы беш резидентине сертификат тапшырды. Бул кадам жаңы финансылык борбордун операциялык ишмердүүлүгү башталганын билдирет.
Президенттин айтымында, 2035-жылга чейин бул жерде 3 900дөн ашуун резидент компания иш жүргүзүп, 10 миңден ашык жаңы жумуш орду түзүлөт. Борбордо заманбап банктык, инвестициялык, брокердик жана санариптик финансылык кызматтарды көрсөтүү үчүн жаңы шарттар түзүлөт.
Бул долбоордун аркасы менен курулуш, тейлөө, транспорт, мейманкана жана ресторан тармагы жанданып, жергиликтүү фермерлердин продукциясына суроо-талап өсөт.
