Кыргызстан 2035-жылдарга барып, тышкы карыздардан кутулат. Бул тууралуу президент Садыр Жапаров Жогорку Кеңештин жыйынында билдирди.
Президенттин айтымында, тышкы карыздарды керек болсо, бир күндө төлөп салууга болот. Бул үчүн каражаттар жетиштүү. Бирок ал карыздарды алган учурдагы келишимдер боюнча эрте төлөп салуу бизге пайдасыз болуп чыкты.
“Келишимдерде убагынан эрте төлөсөк үстөк пайыздары көбөйөт, айып пул кошулат деген сыяктуу шарттары бар экен. Ошондуктан карыздарды ар жылдын аягында канча төлөш керек болсок, ошончо суммада төлөп кете беребиз. Ошентип, 2035-жылдарга барып илгертен бери алган карыздарыбыздан жеңил эле кутулабыз. Беш жыл мурда эле тышкы карыздан кутулуш үчүн шакек, иймектерибизди чогулталы деп жүргөн кезибиз”, — деп белгиледи мамлекет башчысы.
