Бүгүн, 19-сентябрь Президент Садыр Жапаров, социалдык баракчасы аркылуу элди вакцина алууга чакырды.
«Бүгүн Кыргызстанда 69 адамда COVID-19 оорусу катталды. Ооругандардын 100 пайызы вакцина албагандар болуп чыкты. Вакцина алыңыздар,»-деп жазылган.
19-сентябрга карата коронавирус 69 адамдан аныкталганын коронавирус боюнча Республикалык штаб тастыктайт.
Маалыматка ылайык,
- Бишкек шаарында – 41,
- Чүй облусунда – 6,
- Талас облусунда – 3,
- Нарын облусунда – 4,
- Ысык-Көл облусунда – 11,
- Жалал-Абад облусунда – 4 адамдан илдет табылган.
Ал эми Ош шаары, Ош, Баткен облустарында жаңы учур катталган жок.
Бирок, өлкө ичинде COVID-19 илдетинен каза болгон даагы да катталууда, акыркы суткада 2 бейтап каза болгон.
Бүгүнкү күндө стационарларда коронавирустан 594 бейтап, амбулатордук түрдө 881 адам дарыланууда. Бул күнү 78 бейтап илдеттен айыккан.
