Президенттин иш башкаруучусу Каныбек Туманбаев 18-мартта борбор калаада курулуп жаткан жаңы курулуштардын иши менен таанышты. Борбордогу заманбап конгресс-холлдун жана 8 конок үйүнүн курулушун көрүп чыкты.
Каныбек Туманбаев курулуш боюнча төмөнкүлөргө токтолду:
“Мурда 99 жылга ижарага берилген жердин ордуна азыр заманбап конгресс-холлдун курулушу башталды. Бул жер ижарага берилгенден кийинки 24 жылдын ичинде келишимде белгиленген бир да иш аткарылган эмес. Тескерисинче, бул жердеги курулуштар пайдаланууга жараксыз болуп, уроо коркунучуна жеткен. Ошондой эле, эч кандай ыңгайлуу шарттар түзүлгөн эмес. Мындай жагдайда бул аймактын кайрадан жаңыланып, колдонууга берилиши абдан маанилүү.”
Алсак, жаңы курулуп жаткан конгресс холлдун айланасында атайын эс алуу аянтчалары, аллеялар жана маданий иш-чараларды өткөрүүгө ылайыктуу шарттар түзүлөт. Бул жер фестивалдарды, концерттерди жана башка маданий иш-чараларды өткөрүү үчүн эң жакшы мүмкүнчүлүктөргө ээ болот.
Жалпысынан алганда, курулуштун жүрүшү өлкөдөгү инфраструктуранын заманбап талаптарына жооп берип, борбор калаанын жаңылануусундагы маанилүү кадам болот”-деди.
Посмотреть эту публикацию в Instagram
