Президенттик шайлоодо коомдук коопсуздукту сактоо үчүн 11 миңге чукул милиция кызматкери тартылат. Бул тууралуу ИИМдин басма сөз кызматы билдирди.
Маалыматка ылайык, ИИМ шайлоо кампаниясынын жүрүшүндө ыкчам кырдаалды анализдөө менен бирге мыйзамдуулукту сактоо багытында мыйзам чегинде ыкчам чечимдерди кабыл алууну уюштурат.
«Кызматкерлерге үгүттөө жана шайлоо учурунда жарандардын укугун жана коопсуздугун, коомдук тартипти сактоо менен гана ишмердүүлүгун жүргүзүп, шайлоо участкаларынын көзөмөлдөп, тартип бузууларды болтурбоо, анын алдын алуу иштерин күчөтүп, шайлоо комиссияларынын ички ишине кийлигишпөө тапшырмалары берилди. Республика боюнча 2 миң 420 шайлоо участкаларында коомдук тартипти 11 миңге чукул милиция кызматкери камсыздайт. Ар бир шайлоо участкаларында милиция кызматкерлери жана жооптуу жетекчи бекитилди», — деп берилет маалыматта.
Белгилей кетсек, президенттик шайлоо референдум менен бирге 10-январда өтөт.
