Президенттик шайлоого катышуудан дагы бир талапкер баш тартты. Бул тууралуу БШКнын басма сөз кызматы билдирди.
Маалыматка ылайык, Сазыкбай Турдумалиев документтерин артка кайтаруу жөнүндө арыз берген.
Жарышта 46 талапкер калды. Ал эми 14-декабрда шайлоо комиссиясы талапкерлерди каттайт. Катталгандан кийин эки календардык күндүн ичинде талапкер тиешелүү күбөлүктү алат. Эгерде ага каттоодон баш тартылса, анда бул жөнүндө БШК чечим кабыл алгандан кийин 24 сааттын ичинде билдирилиши керек.